Ten spyte van ons eie keuses, gebruik God Sy goue draad in eie diskresie, om twee mense bymekaar te bring en hul lewens in een tapyt saam te weef.

​

Die kettingdraad van ons tapyt word in 2011 by de Vette Mossel Restaurant in Mosselbaai gespan. Twee kinders, min met mekaar gepla.

‘n Dekade daarna as tieners, herontmoet ons in Witrivier langs die rugbyveld waar ons boeties rugby speel.

Die eerste van vele inslagdrade word hier reeds kruisoor geweef. So vorm ons vriendskap, minwetend dat die Wewer reeds al die materiaal voorberei het, in Sy plan om ons toekoms in `n Meesterstuk te voltooi.

​

In 2022 ry Adolph deur Potch en vat ‘n wille kans. Die oproep word ‘n koffie en die koeël is deur die kerk, of is dit eerder die skietspoel se weefspoed wat begin versnel?

Die koffie word ‘n plaasnaweek, en na enkele maande ‘n kys. En so die begin die uitleg van ons lewenstapyt vorm aanneem.

​

Ons staan verstom in die goue draad, die wonderlike teksture, uitleg en ryk kleure wat die Heilige Gees reeds jare terug in ons lewens gereserveer en begin weef het.

​

Minder as twee jaar later erken ons dat ons volmaak bestem is vir mekaar. Ons tapyt word nou gevorm deur die inslagte, knope, patrone en figure wat meesterlik deur ons Skepper in die wêreld weefstoel gespan word.

​

Ons besef dat ons deur die drade van liefde aan mekaar vasgeweef is. Ons het die geheim van God, naamlik Jesus, leer ken.

Dit was God se plan om ons vir mekaar te gee, en ons kan nie wag om saam met die Meester hierdie kunswerk van ons huwelik te voltooi nie.